آخرین مطالب
امکانات وب
آدینین هجالاری روحومو امیزدیرن ،
ارکستر رهبرلیی
لایت بیر موسیقی اؤچون...
قادین سئوگی دیر،
و سئوگی نسلی کسیلمیش لر دیاریندان...
ایسته ییرم
بیر قادینین ایتیردیی قارا آرزو لارین،آغ شعریمده تاپام
ساچلارینی سَرَم بو شهرین بوتون خیاوانلارینا
گؤزلریم تئلگراف گؤندره گؤزلرینه
دردلشه باخیشلاریمیز...
ایسته ییرم بوتون آنالارا اوغول
بوتون قیزلارا قارداش اولام
آما
یازیرام
شعر قورتولمامیش دیکتاتورلوق باشلانیر
مدنیّت اعتصاب ائدیر
قلم دن سَس چیخمیر بیر داملا اعتراض اؤچون
و آنا شعریم یاریم قالیر...
ایت لرده هوروشور قادینا
و اَل آیاغی میخلانمیش،دؤرد دووار آراسیندا اویانیر...
انقلاب سونراسی زندان دیر
یاللانیردی ساده جه
قوچاقجاسینا قورخوب
گولوردو
گولوردو
گولوردو
سَس سیزلیکده آغری چکیردی...
شعرلر یازیلدی قادین آدینا
هر ثانیه
هر ساعت
هر گؤن
هر ایل
قادین
سایین قادین !
آما
ساعت لر کئچدیکجه،کلمه لرین رنگی سولوردو،
قادین سیماسی کیمی
ساعت نئچه دی؟!
قلبین قابارساییب قوربانین اولوم
گؤزلرینی یوم بیر آن
قهوه نی ایچ
بیر سیگار آلیشدیر
سوسما...
غریبه حکایه دیر قادین
حؤرمتینین یاریسی فینجانین دیبینده قالدی
و قهوه نین آجی لیغین دا بیلمدی...
یئنه نئیله مک
قادین سئوگی دیر
و سئوگی نسلی کسیلمیش لر دیاریندان...
امیر بارانی...
95/12/18
yelqovan...برچسب : نویسنده : amirbarania بازدید : 118